ஆங்கில புத்தாண்டு 2012 உத்தரட்டாதி நட்சத்திரம் மீன ராசியில் பிறக்கிறது. ஆண்டு பிறக்கும் போது உள்ள கிரக நிலைகளை பார்க்கும்போது இந்த ஆண்டு பல நன்மைகளைத்தரும் ஆண்டாக இருக்கும் எனலாம். தனம், குடும்ப ஸ்தானத்தில் சனி உச்சம் பெற்று இருப்பதும் குருபார்வை பெறுவதும் நிதி நிலை சீராகும். விவாகரத்து வழக்குகள் குறையும். அரசியல் தலைவர்கள் கொடுத்த வாக்குறுதிகளை நிறைவேற்றுவதில் தீவிரமாக செயல்படுவார்கள். நான்காம் பாவத்தில் சூரியன், புதன் சேர்க்கைப் பெறுவதும் அவர்களை குரு பார்ப்பதும் அரசாங்க வழிகளில் நன்மைகள் கூடும். கல்விக்கான பணிகள் சிறக்கும். அறிவு பூர்வமான சிந்தனைகள் அதிகரிக்கும். அரசியலில் இருந்த குளறுபடிகள் தீரும்.

பூமிகாரகனான செவ்வாய் 12-ல் மறைவு பெற்றாலும் குருபார்வையிருப்பதால் ரியல் எஸ்டேட் தொழிலில் இருந்த பின்னடைவு நீங்கும். முன்னேற்றம் உண்டாகும். அதே போல் 4 பாவமும் பலம் பெறுவதால் பாதியில் நின்ற கட்டடங்கள் கட்டி முடிக்கப்படும், புதிய கட்டடங்களின் எண்ணிக்கை அதிகரிக்கும். புதிய வாகனங்கள் வாங்குவோரின் எண்ணிக்கை கூடும். சந்திரன் 7-ம் இடமான குருவீட்டில் இருப்பதும் லக்கினத்தை பார்ப்பதும் பெண்கள் முன்னேற்றம் அடைவார்கள். மழைப்பொழிவு அதிகரிக்கும். 10-ம்பாவாதிபதியான புதன் வலுவாக இருப்பதால் தொழில், வியாபாரங்கள் சிறப்படையும், புதிய தொழில் தொடங்குவோரின் எண்ணிக்கை அதிகரிக்கும். விவசாயம் சிறக்கும். 9-ல் ஞானக்காரகனான கேது இருப்பதால் ஆன்மீக பணிகள் சிறக்கும்.

கிரக பெயர்ச்சிகள்:

2012 மே.15 –ல் குருபெயர்ச்சி
2012 டிசம்பர் 2 –ல் ராகு கேது பெயர்ச்சி

கோட்சார ரீதியாக மே மாத குரு பெயர்ச்சிக்கு பின்னர் பொருளாதார நிலை உயரும். அண்டை நாடுகள் நட்பு கரம் நீட்டுவார்கள். கடல் வாணிபம் பெருகும். கல்வியின் தரம் உயரும்.

பொதுவாக இந்த ஆண்டு நற்பலன்கள் நிறைந்த ஆண்டாக இருக்கும்.

மேஷம்	ரிஷபம்	மிதுனம்
கடகம்	சிம்மம்	கன்னி
துலாம்	விருச்சிகம்	தனுசு
மகரம்	கும்பம்	மீனம்